About GUJCET 2017

ચાલુ વર્ષે ગુજરાત સરકાર તેમજ ગુજરાત બોર્ડ તરફથી GUJCET (સ્થાનિક) તેમજ NEET, JEE જેવી રાષ્ટ્રીય પરિક્ષાઓ ગુજરાતી ભાષામાં લેવાવા અંગે તેમજ કયી વિદ્યાશાખામાં કયી પ્રવેશ પરિક્ષા માન્ય ગણાશે તે બાબતે વારંવાર જુદી જુદી જાહેરાતો, સૂચનાઓ અને સર્ક્યુલારો બહાર પાડવામાં આવેલ છે. મહદ અંશે સમગ્ર દેશમાં એકસમાન પ્રવેશ પ્રક્રિયા હોવા તરફ દેશની અને રાજ્યની સરકારનો અભિગમ રહેલો છે અને તે આવકાર્ય છે. આમ છતાં, પરિક્ષાર્થિઓ માટે અસમંજસની સ્થિતિ ઉભી થાય છે.

ગત વર્ષે અને તે અગાઉ પણ સરકારની નીતિ, નામદાર સુપ્રીમ કોર્ટમાં ચાલતા કેસો અને તેના ક્રમિક આવતા ચુકાદાઓ, દેશના જુદાજુદા રાજ્યોમાં બોર્ડ પરિક્ષાના જુદા જુદા સમય પત્રકો જેવા અનેક કારણોથી પરિક્ષાની તારીખ અગાઉ થોડાક સમય પહેલા વિદ્યાર્થીઓને ખબર પડે છે કે અમુક પરિક્ષા અમુક વિદ્યાશાખામાં પ્રવેશ માટે માન્ય ગણાશે. વળી પરિક્ષાના માધ્યમ (ભાષા) અંગે પણ અંતિમ સમય સુધી અનિશ્ચિતતા જોવા મળેલી છે. આ સંજોગોમાં વિદ્યાર્થીઓએ તમામ સંભાવનાઓને નજર સમક્ષ રાખી તૈયારી કરવી હિતાવહ છે.

હાલમાં સરકારે જાહેર કર્યા મુજબ વર્તમાન વર્ષ 2017 માં મેડીકલ અને પેરામેડીકલમાં પ્રવેશ માટે NEET પરિક્ષાના મેરીટ આધારે પ્રવેશ પ્રક્રિયા હાથ ધરાશે જ્યારે રાજ્યની એન્જીનીયરીંગ કોલેજોમાં પ્રવેશ માટે GUJCET પરિક્ષાનુ મેરીટ માન્ય રહેશે. આ સંજોગોમાં B ગ્રુપના વિદ્યાર્થીઓ માટે GUJCET પરિક્ષાનુ કોઈ મહત્વ રહેનાર નથી. અમારી GUJCET ટેસ્ટમાં અગાઉના વર્ષોની જેમ જ B ગ્રુપ માટે પણ સંપૂર્ણ અભ્યાસ સાહિત્ય સમાવેલું જ છે. આપ A, AB કે B કોઈ પણ ગ્રુપમાં હોવ અમારી અભ્યાસ સામગ્રી આપના માટે ઉપયોગી નીવડશે. જો આપના ગ્રુપની પ્રવેશ પરિક્ષા આ ફોરમેટ અનુસાર હોય તો ઉપયોગી છે જ અને અન્યથા આ તમામ પ્રશ્નો ધોરણ 12 સાયન્સના અભ્યાસક્રમ અનુસાર હોવાથી બોર્ડ પરિક્ષાની દ્રષ્ટીએ ઉપયોગી થશે. વળી, zigya એ NEET પરિક્ષા માટે ગુજરાતી અને અંગ્રેજી માધ્યમમાં અલાયદી ટેસ્ટ તૈયાર કરેલી છે તેનો પણ તમારા અભ્યાસ માટે લાભ લો તેવી અપેક્ષા છે.

Check out below important details about the 2017 exam:

advertisment