Press "Enter" to skip to content

એકપાદ શિરાસન

Yogesh Patel 0

એકપાદ શિરાસન : આ આસનમાં માથા ઉપર એક પગને ગોઠવીને બેસવાનું હોવાથી તેને એકપાદ શિરાસન તરીકે ઓળખાય છે.

મૂળ સ્થિતિ : બંને પગ સીધા રાખી બેઠક લો.

પદ્ધતિ :

  • સૌ પ્રથમ બંને પગ સીધા રાખી બેઠક લો.
  • હવે કોઈ એક પગને હાથ વડે ઊંચકી ગરદનની પાછળ ધીમેથી ગોઠવો.
  • પગ માથા પરથી સરકી ન જાય તે માટે ગરદનને ઉપરની તરફ ખેંચી રાખો.
  • બીજા પગને સીધો જ રાખો અથવા ઘૂંટણમાંથી વળી થાપા તરફ ગોઠવો.
  • હવે બંને હાથ વડે નમસ્કારની મુદ્રા લો.
  • કમરમાંથી સીધા થાઓ.
  • શ્વાસને યથાશક્તિ અંદરની તરફ રોકી રાખો.
  • આ જ રીતે, પગ બદલીને બીજી બાજુ પણ આ આસન કરી શકાય.
  • યથાશક્તિ આ સ્થિતિમાં રહ્યા બાદ મૂળ સ્થિતિમાં પરત આવો.

ધ્યાનમાં રાખવાની બાબતો :

  • પગને ધીમે ધામે માથા ઉપર ગોઠવો.
  • સ્થિરતાપૂર્વક આ આસન કરવું.
  • શરૂઆતમાં પગની કોઈ કસરત કરી બાદમાં આ આસન કરવું.
  • કોઈ ઉતાવળ કરવી નહિ.

ફાયદા :

  • પગના સ્નાયુઓને સ્ફુર્તિ મળે છે.
  • શરીરના આંતરિક અવયવોને વ્યાયામ મળે છે.
  • પેટના રોગો મટે છે.
  • પગના સાંધાના દુઃખાવા મટે છે.
  • હાથના સ્નાયુ મજબૂત બને છે.
  • શરીરમાં સમતોલનપણું આવે છે.
  • માનસિક એકાગ્રતા વધે છે.
  • પગના સ્નાયુઓ મજબૂત બને છે.
  • પેટની વધારાની ચરબી ધીમે ધીમે ઘટે છે.
  • કબજિયાત, અપચો કે ગૅસ જેવી સમસ્યાઓમાં રાહત મળે છે.
  • પાચનતંત્ર મજબૂત બને છે.

Leave a Reply

Your email address will not be published. Required fields are marked *