અધાતુઓ

હાઈડ્રોજન શબ્દ ગ્રીક ભાષાના બે શબ્દો HYDRO (પાણી) અને GENE (ઉત્પન્ન થવું) પરથી રચાયેલ છે, એટલે કે પાણી ઉત્પન્ન કરનાર તરીકે ઓળખાય છે.

તેની સંજ્ઞા H છે.

તેની શોધ ઈ. સ. 1766માં ઈંગ્લૅન્ડના રસાયણવિજ્ઞાની હેન્રી કૅવેન્ડિશે કરી હતી.

તે આવર્ત કોષ્ટકમાં પ્રથમ ક્રમે છે. તે સૌથી હલકું તત્ત્વ છે.

તે વધુ સક્રિય હોવાથી તે સ્વતંત્ર અસ્તિત્વ ધરાવતો નથી, પણ તે ડાયહાઈડ્રોજન અણુ (H₂) સ્વરૂપે કે અન્ય તત્ત્વ સાથેના સંયોજન સ્વરૂપે સ્થાયી અસ્તિત્વ ધરાવે છે.

પૃથ્વી પરના ચાર ભાગમાંથી ત્રણ ભાગમાં પાણી છે, જે હાઈડ્રોજન અને ઑક્સિજનનું સંયોજન છે.

હાઈડ્રોજન ન્યુક્લિયર સંલયન પ્રક્રિયા મારફતે હિલિયમમાં રૂપાંતર પામે છે ત્યારે સૂર્યશક્તિ પેદા થાય છે.