Chapter Chosen

સુદામો દીઠ શ્રીકૃષ્ણદેવ રે!

Book Chosen

ગુજરાતી ધોરણ 8 દ્વિતીય સત્ર

Subject Chosen

ગુજરાતી

Book Store

Download books and chapters from book store.
Currently only available for
CBSE Gujarat Board Haryana Board

Previous Year Papers

Download the PDF Question Papers Free for off line practice and view the Solutions online.
Currently only available for
Class 10 Class 12
શ્રીકૃષ્ણની પટરાનીઓ તેમની કઈ-કઈ સેવા કરતી હતી ?

રુક્મિણી શ્રીકૃષ્ણના પગ દબાવતી હતી, શ્રીવ્રંદા પંખો નાખતી હતી. ભદ્વાવતી હાથમાં અરીસો લઈને ઉભીહતી. જાંબુવતી જળની ઝારી લઈને ઊભી હતી, સત્યા શ્રીકૃષ્ણને કેસર, ચંદન જેવા સુંગધી પદાર્થોનો લેપ કરતી હતી, કાલિંદી અગર ઉખેડતી હતી, લક્ષ્મણા તંબોળ લાવી હતી અને સત્યભામા એ પાનનું બીડું શ્રીકૃષ્નની પટરાણીઓ તેમની વિવિધ પ્રકારની સેવા કરતી હતી.

શ્રીકૃષ્ણ અને સુદામાના મિલનનું દ્વશ્ય તમારા શબ્દોમાં વર્ણવો.

શ્રીક્ર્ષ્ણ અને સુદામાનું મિલન ચારે વર્ણના લોકો આશ્વર્યથી જોઈ રહ્યા હતા. આકાશના દેવો પણ વિમાનમાં બેસીને આ દ્વશ્ય જોઈ રહ્યા હતા. શીકૃષ્ણ સુદામાને નીચે નમીને પગે લાગ્યા. સુદામાએ હાથ પકડીને શ્રીકૃષ્ણને ઊભા કર્યા. એમને હૈયા સરસા ચાંપ્યા. એમને ગાઢ આલિંગનમાં લીધા. શ્રાવણ મહિનામાં જેમ છાપરાં પરથી વરસાદનાં પાણીની ધાર પડે તેમ એ વખતે સુદામાને જોતા જ શ્રીકૃષ્ણની આંખમાંથી આંસુ વહેતાં હતાં. સુદામાએ શ્રીકૃષ્ણનાં આંસુ લુછ્યાં. શ્રીકૃષ્ણે સુદામાના હાથમાંથી તુંબીપાત્ર લઈ લીધું અને કહ્યું " તમે અહીં આવીને મારા ગામને પવિત્ર કર્યું. હવે મારા ધામ ને પાવન કરો."

સુદામાના આગમનની શીકૃષ્ણ પર શી અસર થઈ ?


ેઉદામાના આગમનની જાણ થતાં જ શ્રીક્ર્ષ્ણ 'હેં હેં' કરતાં સફાળા ઉઠ્યા અને દોડ્યા. પગમાં મોજડી પહેરવા પણ રોકાયા નહીં. દોડતાં દોડતાં તેમનું ખભે નાખેલું પીતાંબર પગમાં ભરાઈ જતું હતું. તેમના હૈયામાં આનંદ સમાતો નહોતો. એમને દોડવાથી શ્વાસચડતો હતો,તેઓ હાંદી રહ્યા હતા. ક્યારેક તેઓ જમીન પર ઢલી પડતા અને ફરીથી બેઠા થતા. સુદામા પાસે પહોંચવાની અને એમને મળવાની ઉતાવળમાં શ્રીકૃષ્ણને એક પળ જુગ લાગતી હતી.

શ્રીકૃષ્ણના વૈભવનું વર્ણન કરો.

શ્રીકૃષ્ણ દ્વારિકા નગરીના એક રાજા છે. તેઓ રાજમહેલમાં હિંડોળાખાટ પર સૂતા છે. તેમને આઠ પટરાણીઓ છે. તે પટરાણીઓ તેમની વિવિધ પ્રકારે સેવા કરે છે. ત્યાં જાતજાતનાં વાજિંત્રો વાગે છે. વાજિંત્રોના તાલે મુગ્ધા બાલકિશોરી, શ્યામછબીલી, હંસગામિની, ગજગામિની, મૃગનયનની યુવતીઓ નાચગાન કરીને શ્રીકૃષ્ણને રીઝવે છે.

સત્યભામાએ સુદામાની કેવી રીતે મજાક કરી ?

સુદામાને ધૂળથી ખરડાયેલો દેહ તથા ગરીબ અને કંગાળ જેવી દશા જોઈને સત્યભામા મજાક કરતાં બોલ્યા, "આ શા ફૂટડા મિત્ર સુદામા ! આવા દ્વરિદ્વ અને કદરૂપા સુદામાને મળવા આ શ્રીકૃષ્ણ શું જોઈને દોડીને ગયા ? બંનેની નાનપણની માયા ભારે કહેવાય. બંને મિત્રોની જોડી જોવા જેવી છે. શ્રીકૃષ્ણે શરીરે સુગંધી લેપ લગાડ્યો છે, જ્યારે સુદામાએ શરીરે જાણે ભસ્મનો લેપ કર્યો છે. કોઈ બાળક બહાર નીકળશે અને સુદામાના આવા રૂપને જોશે તો જરૂર છળી મરશે."