CBSE
Gujarat Board
Haryana Board
Class 10
Class 12
ઉદ્યોગોનું મહત્વ:
દરેક રાષ્ટ્રની પ્રગતિ ઉદ્યોગોના વિકાસ પર આધારિત છે.
ઔદ્યોગિક વિકાસ વિના આર્થિક વિકાસ સાચી શકાતો નથી.
ઔદ્યોગિક વિકાસથી દેશની અર્થવ્યવસ્થા ઘણી મજબૂત બને છે. દા. ત. યુ.એસ.એ, રશિયા, જાપાન, દક્ષિઅ કોરિયા વગેરે દેશો ઔદ્યોગિક વિકાસ સાધીને સમૃદ્વ અને વિકસિત દેશો બન્યા છે.
જે દેશોમાં ઉદ્યોગોનો વિકાસ થયો નથી અથવા ઓછો થયો છે તે દેશો કુદરતી સંસાધનોનો ઉપયોગ ઉદ્યોગોના કાચા માલ તરીકે કરી શકતા નથી. એ દેશોએ પોતાનાં કુદરતી સંસાધનોને ઓછા મૂલ્યે વેચીને તે જ કાચા માલમાંથી બનેલી વસ્તુઓ મોંઘા ભાવે વિદેશો પાસેથી ખરીદવી પડે છે. પરિણામે તેઓ ઔદ્યોગિક વિકાસ સાધી શકતા નથી. તેમનો આર્થિક વિકાસ રુંધાઈ જાય છે.
દેશમાં ઉદ્યોગો સ્થાપવાની ઉત્પાદનમા વધારો થાય છે અને લોકોનું જીવનધોરણ ઊંચું આવે છે.
ઉદ્યોગોમાં કામ કરતા લોકોનું તકનિકી જ્ઞાન વધે છે. તે સાથે તેમની ઉત્પાદન ક્ષમતા, આવક અને ખરીદશક્તિ પણ વધે છે.આમ થવાથી રાષ્ટ્રનો આર્થિક વિકાસ થાય છે.
ભારતમાં રાષ્ટ્રીય ઉત્પાદનમાં ઉત્પાદનના ઉદ્યોગોનો ફાળો લગભગ 20% જેટલો છે, જે ઉદ્યોગોનું મહત્વ દર્શાવે છે.