પરિવહન

વિશ્વના મુખ્ય આંતરરાષ્ટ્રીય રેલમાર્ગો નીચે મુજબ છે :

1. ઓરિએન્ટલ ઍક્સપ્રેસ રેલમાર્ગ : યુરોપમાં ફ્રાન્સના પૅરિસથી તુર્કીના ઇસ્તંબૂલ સુધી સાત દેશોને આ રેલ માર્ગ જોડે છે. આ રેલવે પરિસથી સ્ટ્રાસબર્ગ થઈ વોયેના આવે છે. અહીં બર્લિનથી પણ રેલ-રસ્તાઓ આવી મળે છે. ત્યાંથી બુડાપેસ્ટ અને બેલગ્રેડ થઈને ઇસ્તંબુલ આવે છે.

2. ટ્રાન્સ સાઈબીરીયન રેલમાર્ગ : ટ્રાન્સ સાઈબીરીયન રેલમાર્ગ એશીયનો સૌથી મોટો તેમજ મહત્વનો આંતરખંડીય રેલમાર્ગ છે. આ રેલમાર્ગ પશ્ચિમમાં આવેલા સૅંટ પીટર્સબર્ગને પૂર્વમાં આવેલા વ્લાડિવૉસ્ટૉકથી જોડે છે. આદ્વિમાર્ગીય રેલમાર્ગ છે. તેની લંબાઈ 9332 કિમી છે. આ રેલ માર્ગ પર મૉસ્કો, ઉફા, ચિતા, ખાબારોવસ્ક વગેરે મુખ્ય સ્ટેશનો છે.





સાઇબીરીયાના વિકાસમાં આ રેલમાર્ગનો મહત્વનો ફાળો છે. આ માર્ગેથી ઘઉં, ઊન, ઇમારતી લાકડા, ખનીજ તેલ અને રૂવાંની હેરફેર થાય છે.

3. બ્યુનોસ એર્સ વાલપરીસો રેલમાર્ગ : દક્ષીણ અમેરીકામાં આ એક જ આંતરખંડીય રેલમાર્ગ છે. આ રેલમાર્ગ આર્જેન્ટિનાના બ્યુનોસ એર્સને ચિલિના વાલપારીસો સાથે જોડે છે. આ માર્ગ સમુદ્રસપાટીથી 3960 મીટર ઊંચાઈ પર આવેલા ઉસ્પાલાતા દર્રે થઈને એન્ડિઝ પર્વતશ્રેણી પાર કર છે. 

4. બૅંગ્વેલા રેલમાર્ગ : આ રેલમાર્ગ ઝામ્બિયાના તાંબાનાં ક્ષેત્રો સુધી જાય છે.

5. ટાન્ઝાનિયા રેલમાર્ગ : આ રેલમાર્ગ ઝામ્બિયાના તાંબાનાં ક્ષેત્રોથી સમુદ્રકિનારા પર આવેલા દાર એ સલામ જાય છે. 

6. કૅનેડા-પૅસિફિક રેલમાર્ગ : કૅનેડાના પશ્ચિમ કિનારા પર આવેલા વાનકુવરથી પૂર્વ કિનારાના હેલિફેક્સ વચ્ચે આ રેલમાર્ગ છે. તેની કુલ લંબાઈ 7,050 કિમિ છે. આ રેલમાર્ગનું નિર્માણ 1886માં થયું હતું. આ રેલમાર્ગને ક્યુબેક માંટ્રિયલ ઔદ્યોગીક પ્રદેશ, નરમ લાકડાના વનપ્રદેશ તથા પ્રેરીના ઘઉંના પ્રદેશથી જોડી દેવાથી તેનું આર્થીક મહત્વ વધી ગયું છે. 





આ માર્ગને વિશ્વના મહત્વના જળમાર્ગથી જોડવા માટે એક લૂપ રેલમાર્ગ વિનીપેગથી સુપિરિયર સરોવરના ઉત્તર છેડા પર આવેલા થન્ડર ખાડી સુધી બનાવવામાં આવે છે.