ઉદારતા અને કંજુસાઈ મહાપુરુષોના શબ્દોમાં

ઉદારતા કે કંજુસાઈ વિષે ઘણા મહાનુભાવોએ કહ્યું છે.

તેજ રીતે દયા અને દાન વિશેના પણ ઘણા સુવિચારો મળી આવશે.

આ માનવીના અંદરના ગુણ છે.

જે તેની માણસ તરીકેની ઊંચાઈ કે માણસાઈ જાણવા ઉપયોગી છે.

આવા કેટલાક ક્વોટ અહી રજૂ કર્યા છે.

આ મારું છે, અને આ બીજાનું છે

એવું સંકુચિત હદયવાળા જ સમજે છે.

ઉદાર ચિત્તવાળા તો આખા

સંસારને પોતાનું કુટુંબ જ સમજે છે.

– હિતોપદેશ

કૂતરા તરફ ફેંકેલું અન્ન એ દાન નથી.

જ્યારે તમે કૂતરા જેટલા જ ભૂખ્યા હો

ત્યારે કુતરા સાથે ભાગીદારી કરેલું અન્ન દાન છે.

– જેક લંડન

દાનથી હાથની શોભા વધે છે,

આભૂષણોથી નહિ.

– ચાણક્ય

ઉદારતા વ્યક્તિઓના દુર્ગુણોને છૂપાવી દે છે

જ્યારે કંજૂસાઈ વ્યક્તિઓના સદગુણોને છૂપાવી દે છે.

– પ્રેમચંદ

ઉનાળામાં વાદળાં જેવો કૃપાણ માણસ છે.

એ વરસે તો નહિ, પણ ગરમીમાં વધારો કરે છે.

– રત્નસુંદરવિજયજી

જરૂરિયાતવાળી વ્યક્તિની પાસે જઈને આપવું શ્રેષ્ઠ દાન છે.

તેને આપણી પાસે બોલાવીને આપવું એ મધ્યમ દાન છે.

માગવાથી આપવું એ અધમ દાન છે

અને સેવા કરાવીને આપવું એ સર્વથા નિષ્ફળ અને વ્યર્થ છે.

– પરાશર

કંજૂસે દાટેલું ધન ત્યારે જ જમીનમાંથી બહાર નીકળે છે

જ્યારે કંજૂસ જમીનની અંદર જતો રહે છે.

– ફારસી કહેવત

કંજૂસ માણસ લુહારની ધમણ જેવો છે.

જે શ્વાસ લેતો રહે છે પણ જીવતો નથી.

– બી.એન.દસ્તુર

જે દયા કરે છે તેને ખુદા ચાહે છે.

– મહંમદ પયગંબર

કંજૂસ જેવો દાતા કોઈ નથી.

તે પોતાની બધી સંપત્તિ બીજાને આપી જતો રહે છે.

– ઓશો રજનીશ

પૈસા કે એવી કોઈ સંપત્તિનું દાન કરવા કરતા આપણા સદગુણોનું દાન કરવું હિતાવહ છે

કેમકે સદગુણોથી માણસ જીવતા શીખે છે.

– જનક નાયક

આ લોકમાં બે પુરુષો સ્વર્ગની પણ ઉપર રહેલા છે,

એક, સત્તા અને સામર્થ્યવાળો હોવા છતાં દયાળુ

અને બીજો, નિર્ધન હોવા છતાં દાન આપનારો.

– એમર્સન

જ્યાં દયા નથી ત્યાં અહિંસા નથી.

– મહાત્મા ગાંધી

ઉદાર હદયવાળો મનુષ્ય  આજીવન આનદથી જીવે છે

અને કંજૂસ હદયવાળો મનુષ્ય  આજીવન દુઃખી રહે છે.

– અરબી કાવ્ય

દયા કરવી એ આપણી ફરજ નહિ પણ આનંદ છે કેમ કે

તેનાથી આપણી તંદુરસ્તી અને કીર્તીમાં વધારો થાય છે.

– અષો જરથુષ્ટ્ર

સેંકડો હાથેથી ભેગું કરો અને હજારો હાથેથી વહેંચી દો.

– અથર્વવેદ

આપની પસંદના વધુ સુવિચારો અને ક્વોટ માટે અમારી ‘સુવિચાર અને વિચાર વિસ્તાર‘ બ્લોગ ચેનલ ફોલો કરો.