નાનકડી વાતો ક્યારેક જીવન બદલી નાખે છે. હું તો એમ કહેવા પ્રેરાઉ છુ કે નાની વાતો જ જીવન બદલે છે. શરત છે એવી વાતોમાં ધ્યાન આપવાની. આપણે કોઈ પણ મહાપુરુષના જીવનનો અભ્યાસ કરીએ આ દેખાશે. વાલિયામાથી વાલ્મીકિ બન્યા. તુલસિદાસની પત્નીએ ટોણો માર્યો. કાલિદાસની પત્નીએ પણ તેને કાલીનો દાસ બનાવ્યો. નાનકડી વાત અર્થમાં મોટી હોય અને સ્પાર્ક થઈ જાય. તો બેડો પાર !!
જીત:
જીતવાની સૌથી વધારે મજા ત્યારે આવે છે,
જ્યારે બધા તમારા હારવાની રાહ જોઈને બેઠા હોય.
સમજી લો:
‘સંબંધ’ અને સંપત્તિ’
મુઠ્ઠી ભરો તો રેતી છે,
અને વાવતા રહો તો ખેતી છે.
મફત જ મોઘું હોય:
શબ્દો મફત છે,
પણ વાપર્યા પછી કિંમત ચૂકવવી પડે છે.
સમય:
સારો સમય બધાનો આવે છે.
શરત માત્ર એટલી કે, હંમેશાં સમય સાથે ચાલવું પડે છે.
સાચો બદલાવ:
જીવનમાં કઈક બદલવું હોય તો પોતાની જાતને બદલો.
કારણ કે પોતાની જાતને બદલવાથી પૂરી દુનિયા બદલાઈ જાય છે.
નામના:
આપતાં શીખી જાઓ,
દુનિયાને તમારું નામ લેતાં આવડી જશે.
આવા અન્ય સુવિચારો માટે અમારી સાથે જોડાયેલા રહો. આપના અભપ્રાય અને સૂચનો આવકાર્ય છે. અભ્યાસલક્ષી સામગ્રી માટે zigya Resource Center આપની સમક્ષ હમેશાં વિનામુલ્યે ઉપલબ્ધ છે. તેનો મહત્તમ ઉપયોગ કરો. જરૂરિયાત વાળા વિદ્યાર્થીઓ અને શિક્ષકોને zigya સાથે જોડવામાં આપ સહકાર કરી શકો છો. zigya નો પ્રચાર મફત શિક્ષણનો પ્રચાર છે.
